IAPA Membership Registration

നിയമാവലി

1. പുതിയ ക്ലിനിക് ആരംഭിക്കുന്നവർ, പുതിയ ബിൽഡിങ്ങിലേക്ക് ക്ലിനിക്ക് മാറ്റുന്നവർ, നിർബന്ധമായും ആ വിവരം ജില്ലാ പ്രതിനിധിയുമായി ചർച്ച ചെയ്തു അംഗീകാരം വാങ്ങിയിരിക്കണം.
2. മിനിമം ഫീ 150 എന്നത് കൃത്യമായി പാലിക്കുക.
3. ഐ.എ.പി.എ മെമ്പർമാരെയും മറ്റു ചികിത്സകരെയും പരസ്പരം വ്യക്തിഹത്യ ചെയ്യാൻ പാടുള്ളതല്ല.
4. ക്ലിനിക്കുകളിൽ യാതൊരുവിധ മരുന്നുകളും വിൽക്കാൻ പാടില്ല.
5. ഐ.എ.പി.എ മെമ്പർമാർ തമ്മിലുള്ള ബന്ധത്തിന്റെ ഊഷ്മളതക്ക് കോട്ടം തട്ടുന്ന ഒരു പ്രവർത്തിയും മെമ്പർമാരിൽ നിന്നും ഉണ്ടാകാൻ പാടില്ല.
6. ചികിത്സ തേടി വരുന്ന രോഗികളോട് ഏറ്റവും നല്ല രീതിയിൽ പെരുമാറൽ ചികിത്സകന്റെ ബാധ്യതയാണ്. രോഗികൾക്ക് പ്രയാസമുണ്ടാക്കുന്ന വാക്കോ പ്രവൃത്തിയോ ഒന്നും തന്നെ ചികിത്സകരിൽ നിന്ന് ഉണ്ടാകാൻ പാടില്ല.
7. കാലാനുസൃതമായി ഐ.എ.പി.എ ഉണ്ടാക്കുന്ന ഏതു നിയമത്തെയും പൂർണമായും അംഗീകരിക്കൽ നിർബന്ധമാണ്.
8. ഐ.എ.പി.എ എന്ന സംഘടനയുടെ എല്ലാ ലക്ഷ്യങ്ങളോടും പൂർണമായും സഹകരിക്കൽ അംഗങ്ങളുടെ ബാധ്യതയാണ്.
9. ശാരീരികമായും സാമ്പത്തികമായും സംഘടനയ്ക്ക് വേണ്ട എല്ലാ സഹായങ്ങളും മെമ്പർമാരുടെ ഭാഗത്തുനിന്ന് ഉണ്ടാകേണ്ടതാണ്.
10. ഐ.എ.പി.എ മെമ്പർമാരുടെ മേൽ വരുന്ന പരാതിയിന്മേൽ സംഘടന എടുക്കുന്ന ഏത് തീരുമാനവും അംഗീകരിക്കൽ മെമ്പർമാരുടെ ബാധ്യതയാണ്.
11. ഐ.എ.പി.എ യോഗങ്ങൾ, ക്യാമ്പുകൾ തുടങ്ങിയ പരിപാടികളിൽ നിർബന്ധമായും പങ്കെടുക്കേണ്ടതാണ്.
12. നമ്മുടെ സംഘടനയെയോ ചികിത്സകരെയോ ഇകഴ്ത്താൻ ഇടവരുന്ന രീതിയിൽ സോഷ്യൽ മീഡിയയിലോ മറ്റു മാധ്യമങ്ങളിലോ ഇടപെടാൻ പാടുള്ളതല്ല.
13. സംഘടന നിശ്ചയിക്കുന്ന വരിസംഖ്യ കൃത്യമായി അടയ്ക്കേണ്ടതാണ്.
14. ബോർഡ്, ബാനർ, പരസ്യങ്ങൾ, നോട്ടിസുകൾ, വിസിറ്റിംഗ് കാർഡുകൾ തുടങ്ങിയവ ഐ.എ.പി.എ എക്സിക്യൂട്ടീവിന്റെ അന്തിമമായ തീരുമാനത്തിനു ശേഷം മാത്രം പ്രിന്റ് ചെയ്യുക.
15. സിംഗിൾ പോയിന്റ് അക്യുപങ്ചർ എന്ന ആശയത്തെ പ്രചരിപ്പിക്കുന്ന, പിൻപറ്റുന്ന ചികിത്സകരുടെ കേരളത്തിലെ പ്രഥമ സംഘടനയാണ് ഐ.എ.പി.എ. ഏതെങ്കിലും ഐ.എ.പി.എ അംഗങ്ങൾക്ക് മറ്റേതെങ്കിലും ചികിത്സാമേഖലയിലുള്ള സംഘടനയിൽ അംഗത്വം ഉളളതായി ബോധ്യപ്പെട്ടാൽ അവരുടെ ഐ.എ.പി.എ അംഗത്വം റദ്ദ് ചെയ്യുന്നതാണ്.
16. സംഘടനയുടെ ലക്ഷ്യത്തിന് എതിരായി മറ്റു ചികിത്സാ രീതികൾ അവലംബിച്ച് ചികിത്സിക്കുന്ന ചികിത്സകരെ ഈ സംഘടനയിൽ ഒരിക്കലും നിലനിർത്തുക സാധ്യമല്ല.